ကျွန်ုပ်တို့လုပ်ဆောင်ချက်များ (What We Do)
Share Together (အေးအတူပူအမျှ) ၏ စိုက်ပျိုးရေး ကဏ္ဍ အစီအစဉ်
Share Together (အေးအတူပူအမျှ) သည် ရေရှည်တည်တံ့သော ဝင်ငွေလမ်းကြောင်းကို အမြန်ဆုံး ဖော်ဆောင်နိုင်ရန် ရည်ရွယ်၍ ပထမဆုံး ၆ လ စီမံချက်အဖြစ် အစားအစာတွင် အရေးပါသော၊ ရောင်းလိုအား မြင့်မားသော ဟင်းသီးဟင်းရွက် ၄ မျိုးကို စတင် စိုက်ပျိုးသွားပါမည်။
🎯 ၆ လတာ စိုက်ပျိုးရေး၏ ပန်းတိုင်များ
ဗူးညွှန့်၊ ဖရုံညွှန့်
အသီးထွက်ကို စောင့်ဆိုင်းရမည့်အစား အချိန်တိုအတွင်း ရိတ်သိမ်းရောင်းချနိုင်သော ဗူးညွှန့်နှင့် ဖရုံညွှန့်တို့ကို ဈေးအတွင်း တင်ပို့ရောင်းချသွားမည်ဖြစ်သည်။ ဗူးနှင့် ဖရုံညွှန့်တို့မှာ တစ်ခါ စိုက်ထားပြီး အနည်းငယ် ဂရုစိုက်ရုံဖြင့် ထပ်မံအသစ်ပြန်လည်စိုက်ပျိုးရန် မလိုအပ်ဘဲ လပေါင်းများစွာ ရိတ်သိမ်းရောင်းချနိုင်မည်ဖြစ်သည်။
ချဉ်ပေါင်
ချဉ်ပေါင်သည်လည်း ဗူးညွှန့်၊ ဖရုံညွှန့်တို့ကဲ့သို့ပင် တစ်ခါစိုက်ထားပြီး ပင်စည်ရင်းမှ ဖြတ်ကာ ရောင်းချနိုင်သည်။ ထို့နောက် အသစ်ပြန်လည်ထွက်လာသည့် ချဉ်ပေါင်ပင်များကို ထပ်မံရိတ်သိမ်းကာ ဈေးကွက်အတွင်းတင်ပို့နိုင်သည်။ အခြားသီးနှံများကဲ့သို့ ဂရုတစိုက် ပျိုးထောင်ထိမ်းသိမ်းရန် မလိုအပ်ဘဲ မြန်မာဈေးကွက်ရှိသည့် ဟင်းသီးဟင်းရွက်တစ်မျိုးဖြစ်သည်။
ပဲတောင့်ရှည်
ပဲတောင့်ရှည် (Yardlong Bean)ပရိုတင်းဓာတ် မြင့်မားပြီး စားသုံးမှုများသော သီးနှံဖြစ်ခြင်း၊ အခြားသီးနှံများအတွက် မြေဆီလွှာအဟာရ (နိုက်ထရိုဂျင်) ဖြည့်တင်းပေးနိုင်ခြင်း၊ ထိုင်းနိုင်ငံအတွင်း ဈေးကွက်တည်ငြိမ်ပြီး ဈေးကွက်လိုအပ်ချက်နှင့်အညီ နေ့စဉ် အသီးကို ရိတ်သိမ်းဖြန့်ဖြူးခြင်း အစရှိသည့် အားသာချက်များကြောင့် ပဲတောင့်ရှည်ကိုလည်း စတင်စိုက်ပျိုးရန် ရည်ရွယ်ခဲ့ခြင်း ဖြစ်သည်။
Share Together (အေးအတူပူအမျှ) ၏ မွေးမြူရေးကဏ္ဍ
Share Together (အေးအတူပူအမျှ) သည် အဖွဲ့အစည်း၏ ရေရှည်တည်တံ့မှုအတွက် ဒုတိယ မဏ္ဍိုင်ဖြစ်သည့် မွေးမြူရေးကဏ္ဍကိုလည်း အကောင်အထည်ဖော်သွားမည်ဖြစ်သည်။ ပထမဆုံး အဆင့်အနေဖြင့် မြန်မာကြက် (Country Chicken) အကောင်ရေ ၂၀၀ ကို စနစ်တကျ မွေးမြူခြင်းဖြင့် ဝင်ငွေရှာဖွေသွားပါမည်။
🐔 မြန်မာကြက်ကို အဘယ်ကြောင့် ရွေးချယ်သနည်း?
ကျွန်ုပ်တို့သည် နိုင်ငံခြားကြက်မျိုးအစားများထက် မြန်မာကြက်ကို ရွေးချယ်ရခြင်းမှာ အောက်ပါအတိုင်း အားသာချက်များ ရှိသောကြောင့် ဖြစ်ပါသည်။
- ဈေးကွက်ဝယ်လိုအားနှင့် တန်ဖိုး: မြန်မာကြက်ဥနှင့် ကြက်သားသည် မြန်မာပြည်သူ စားသုံးသူများအကြား အရသာ၊ ကျန်းမာရေးနှင့် ကိုက်ညီမှုတို့ကြောင့် ဝယ်လိုအား မြင့်မားပြီး၊ ဈေးနှုန်း ပိုမို ရရှိပါသည်။
- ဒေသမျိုးရင်းဖြစ်သောကြောင့် ရာသီဥတုအပြောင်းအလဲနှင့် ရောဂါများကို ပိုမို ခံနိုင်ရည်ရှိပြီး မွေးမြူစရိတ်ကို လျော့ချနိုင်ပါသည်။
- လွတ်လပ်စွာ ကျက်စားခွင့် ပေးခြင်း၊ စိုက်ပျိုးရေး ထွက်ကုန် (ဥပမာ- ရွက်ဖုံးသီးနှံများ၏ စွန့်ပစ်အရွက်များ) ကို အစာအဖြစ် အသုံးပြုခြင်းဖြင့် ကုန်ကျစရိတ်ကို အမြင့်ဆုံးလျှော့ချနိုင်ပြီး သဘာဝဆန်သော ထုတ်ကုန် ကို ဖန်တီးနိုင်မည်ဖြစ်သည်။
🥚 ဝင်ငွေစီးကြောင်း: အရည်အသွေးမြင့် မြန်မာကြက်ဥ
မွေးမြူရေးကဏ္ဍ၏ အဓိက ဝင်ငွေရရှိမှုမှာ အရည်အသွေးမြင့်မားသော မြန်မာကြက်ဥ များ ရောင်းချခြင်းမှ ဖြစ်ပါသည်။
- ထုတ်လုပ်မှု စံနှုန်း: ကြက်များအား သဘာဝနှင့် နီးစပ်သော ပတ်ဝန်းကျင်တွင် စနစ်တကျ ပြုစုမွေးမြူကာ၊ ဓာတုဗေဒပစ္စည်း ကင်းစင်သော အစာများကို ကျွေးမွေးမည် ဖြစ်သည်။ ထို့ကြောင့် သာမန်ကြက်ဥများထက် ပိုမို လတ်ဆတ်ပြီး ကျန်းမာရေးနှင့် ညီညွတ်သော ကြက်ဥများကို ဈေးကွက်သို့ တင်ပို့နိုင်မည်။
- ဥ၏ ထူးခြားသော အရည်အသွေးကို မီးမောင်းထိုးပြပြီး အော်ဂဲနစ်စားသောက်ဆိုင်များနှင့် မြို့ပြဈေးကွက်များရှိ စားသုံးသူများထံ တိုက်ရိုက် ရောင်းချသွားပါမည်။
- ကြက်အကောင်ရေ ၂၀၀ မှ စတင်မွေးမြူပြီး အကောင်ရေ တိုးလာပါက အဖွဲ့အစည်း၏ ရေရှည်စီမံကိန်းအရ သင့်တင့်သော အရေအတွက်ရှိ ကြက်များကိုလည်း ဈေးကွက်သို့ ထုတ်ရောင်းချသွားမည် ဖြစ်သည်။
- ဥ ဥနိုင်သည့် အရွယ် လွန်မြောက်သော ကြက်များ၊ သို့မဟုတ် အရေအတွက် ထိန်းချုပ်ရန် လိုအပ်သော ကြက်ထီးများကိုသာ စနစ်တကျ စိစစ်ထုတ်နုတ်ပြီး အရည်အသွေးမြင့် ကြက်သားအဖြစ် ရောင်းချခြင်းဖြင့် အရန်ဝင်ငွေကို ရရှိစေမည်။
♻️ စက်ဝိုင်းပုံစံ စီးပွားရေး ပုံစံ
Share Together ၏ မွေးမြူရေးနှင့် စိုက်ပျိုးရေး လုပ်ငန်းများသည် သီးခြားစီ ရပ်တည်နေခြင်း မဟုတ်ဘဲ တစ်ခုနှင့်တစ်ခု အပြန်အလှန် အကျိုးပြုပါသည်။
- ကြက်ချေးကို မြေသြဇာအဖြစ် အသုံးပြုခြင်း: ကြက်များမှ ထွက်ရှိသော စွန့်ပစ်ပစ္စည်း (ကြက်ချေး) များကို စိုက်ပျိုးရေးကဏ္ဍတွင် အရည်အသွေးမြင့် သဘာဝမြေသြဇာအဖြစ် အသုံးပြုမည်။
- စိုက်ပျိုးရေး စွန့်ပစ်ပစ္စည်းကို အစာအဖြစ် အသုံးပြုခြင်း: စိုက်ပျိုးရေးမှ ထွက်ရှိသော ဗူးညွန့်၊ ဖရုံညွန့်၊ ချဉ်ပေါင်စသည်တို့၏ စားသုံး၍မရသော အစိတ်အပိုင်းများကို ကြက်စာအဖြစ် ပြန်လည်အသုံးပြုခြင်း။
ဤနည်းအားဖြင့် ကုန်ကျစရိတ်များကို လျှော့ချနိုင်ပြီး စွန့်ပစ်ပစ္စည်းများကိုပါ အကျိုးရှိရှိ အသုံးချနိုင်သော စက်ဝိုင်းပုံစံ စီးပွားရေး (Circular Economy) ကို Share Together က ဖော်ဆောင်သွားမည် ဖြစ်ပါသည်။
Share Together (အေးအတူပူအမျှ) ၏ တတိယမဏ္ဍိုင်- ဒီဂျစ်တယ် ဝင်ပေါက်
Share Together (အေးအတူပူအမျှ) သည် စိုက်ပျိုးရေးနှင့် မွေးမြူရေး လုပ်ငန်းများမှ
ရုပ်ပိုင်းဆိုင်ရာ ဝင်ငွေများကို ဖန်တီးနေစဉ်မှာပင်၊ ရေရှည်နှင့် ကျယ်ပြန့်သော
ဝင်ငွေစီးကြောင်းတစ်ခုကို ဖန်တီးနိုင်ရန်အတွက် Content Creation (အကြောင်းအရာ ဖန်တီးခြင်း)
ကဏ္ဍကို စတင်အကောင်အထည်ဖော်လုပ်ဆောင်သွားမည်ဖြစ်သည်။
ကျွန်ုပ်တို့၏ လုပ်ငန်းစဉ်များနှင့် နည်းပညာများကို ဒီဂျစ်တယ် ပလက်ဖောင်းများပေါ်တွင်
ပုံမှန်တင်ဆက်ခြင်းဖြင့် အသိပညာ ပေးနိုင်ရုံသာမက၊ ၎င်းမှတစ်ဆင့် Monetization
(ငွေကြေးဖန်တီးမှု) ကိုပါ လုပ်ဆောင်သွားမည် ဖြစ်ပါသည်။
ကျွန်ုပ်တို့၏ ဒီဂျစ်တယ် ပလက်ဖောင်းများသည် အဖွဲ့အစည်းအတွက် စဉ်ဆက်မပြတ် ရန်ပုံငွေ ရရှိနိုင်သော
ခိုင်မာသည့် ဝင်ငွေလမ်းကြောင်း ဖြစ်လာစေရန် အောက်ပါ နည်းလမ်းများကို အဓိကထား
လုပ်ဆောင်သွားပါမည်။
Content Creation သည် Share Together အဖွဲ့အစည်းအား အသိပညာပေးခြင်း၊ အများပြည်သူနှင့်
ပွင့်လင်းမြင်သာစွာ ဆက်သွယ်ခြင်းတို့ကို ပြုလုပ်နိုင်ရုံသာမက၊ ရေရှည်အတွက် လိုအပ်သော
စီးပွားရေးအရ ခိုင်မာသည့် ဝင်ငွေစီးကြောင်း ကိုပါ ဖန်တီးပေးသွားမည် ဖြစ်ပါသည်။
၁။ ပလက်ဖောင်း
Ad Revenue (ကြော်ငြာမှ ဝင်ငွေ):
YouTube နှင့် Facebook တို့၏ ပါတနာအစီအစဉ်များမှတစ်ဆင့် ဗီဒီယိုများပေါ်တွင် ပြသသည့် ကြော်ငြာများမှ ဝင်ငွေ ရယူခြင်း။
Live Commerce/Streaming:
အထူး ဗီဒီယို အစီအစဉ်များမှတစ်ဆင့် ပရိသတ်များနှင့် တိုက်ရိုက်ထိတွေ့ကာ ထုတ်ကုန်ပစ္စည်းများရောင်းချခြင်း။
၂။ ပူးပေါင်းဆောင်ရွက်မှု
Branding အားကောင်းလာပြီး ပရိသတ်အင်အား ကောင်းမွန်လာသည်နှင့်အမျှ ဝင်ငွေရရှိမှု အခွင့်အလမ်းများကို တိုးချဲ့သွားပါမည်။
ကြော်ငြာများ လက်ခံခြင်း:
စိုက်ပျိုးရေးသုံးပစ္စည်းများ၊ မွေးမြူရေး အစားအစာများ၊ သို့မဟုတ် ဒေသထွက်ကုန်ပစ္စည်းများ ထုတ်လုပ်သည့် ကုမ္ပဏီများထံမှ Sponsored Video များ လက်ခံကာ ဝင်ငွေရယူခြင်းတို့ လုပ်ဆောင်သွားမည်ဖြစ်သည်။
နည်းပညာပိုင်း ကျွမ်းကျင်သော အဖွဲ့အစည်းများ၊ စိုက်ပျိုးရေး/မွေးမြူရေး ဆိုင်ရာ NGO/CSO များနှင့် ပူးပေါင်းကာ စီမံကိန်းများ ပူးတွဲလုပ်ဆောင်ခြင်းများကိုလည်း လုပ်ဆောင်သွားမည်။